Nulis Layang

Nulis Layang

Perangane laying jawa sing ganep

a.       Adangiyah (adawiyah)

b.      Pambuka (bebuka)

c.       Isi (surasa basa)

d.      Panutup

e.       Titi mangsa

f.       Peprenahan

g.      Tapak asma

1.      Adangiyah

Nelakake unggah-ungguhe sing kirim layang marang sing dikirimi kayata marang kanca utawa sadulur.

2.      Pambuka (bebuka)

Kabar keslametan sing kirim layang lan ngarep-arep supaya sing dikirimi uga wilujeng.

3.      Surasa basa (isi)

Nelakake apa bae sing perlu dikabarake

4.      Wasana basa (panutup)

Panjaluk utawa panyurung kang gandheng karo surasane layang.

5.      Titi mangsa

Yaiku nelakake tanggal nalika layang ditulis.

6.      Peprenahan

Tetembungan kang nelakake prenahe wong sing kirim layang lan karo sing dikirim layang kayata bapakmu, ibumu, eyang, mitramu, ingkang rayi, ingkang rama, ingkang putra

Tuladha layang kiriman

                                                                                          Kanggo kancaku.

                                                                                          Anastasia Kusuma Dewi

                                                                                          Ing Karanganyar.

Salam kangen,,,

Kanthi layang iki aku menehi kabar, Manawa aku lan kaluwargaku ginanjar Gusti ing keslametan lan bagas waras. Dak jaluk sliramu sakaluwarga uga pinarigan keslametan lan bagas waras.

Bakune layangku iki, aku ngabari mengko ing dina prei semesteran rama, ibu lan aku arep sowan eyang menyang Karanganyar. Aku sengaja ndherek jalaran aku kepengin dolan menyang Tawangmangu nonton grojogan Sewu. Yen ana longgar wektu mbesuk dak jaluk kowe gelem ngancani aku.

Wasana cukup semene kabar saka aku, mengko ketemu ing dina prei semesteran.

                                                                                          Purwodadi, 1 Pebruari 2011

                                                                                          Kancamu,

                                                                                          Magdalena Putri Sejati