Parikan

Parikan yaiku unen-unen kang dumadi saka rong gatra. Ukara sepisanan kanggo narik kawigatèn, kang kapindho minangka isi. Parikan iki kaya pantun nanging mung rong larik. Parikan migunaake purwakanthi swara.
Titikane parikan :

a.       Kadadean saka rong gatra.

b.      Saben saukara ana rong gatra.

c.       Cacahing wanda saben ukara padha.

d.      Swara ing pungkasaning ukara padha.

e.       Gatra sapisan pinangka kanggo kawigaten dene, gatra kapindho pinangka isi.

Tuladha:

Tawon madu, ngisep sekar. (Ukuran kapisan, 2 gatra). Calon Guru, kudu sabar (ukuran Kapindho, 2 gatra). Gunane purwaka (ukuran kapisan) mung dianggo narik kawigatené wong kang nedya sikandhani utawa dipituturi, Perluné, supaya ing sadurungé ukara kang isi utawa “wosé” dikandhakaké, wong sing nedya dikandhani wis ketarik atiné, satemah banjur nggatekaké, bisa ngerti temenan marang maksudé ukuran kang isi “ngese” (ukara kapindho).

Sedangkan contoh parikan diantaranya sebagai berikut:

 Nyangking ember kiwa tengen
Lungguh jejer tamba kangen.

Dondong apa salak, duku cilik-cilik
Gendong apa mbecak, mlaku timik-timik.

Teklek kecemplung kalen
Timbang golek aluwung balen.

Wajik Kletik, gula jawa
Luwih becik, sing prasaja.

Wajik klethik gula jawa, luwih becik sing prasaja.

Tuku srabi menyang Sala, dienteni ora teka.

Abang-abang ora legi tiwas magang ora dadi.

Ngasah arit nganti landhep dadi murid kudu sregep.